Takimet me Drejtorët e Drejtorive të Shërbimeve Publike dhe me Shefat e Zyreve të Prokurimit të Komunave Pejë, Gjakovë, Klinë, Istog, Deçan dhe Junik

Me datë 11 dhe 12 Mars 2021, me qëllim të organizimit të Tryezës së Rrumbullakët në nivel regjional, organizata HUMAN ka vizituar dhe mbajtur takime me Drejtorët e Drejtorive të Shërbimeve Publike dhe me shefat e zyreve të prokurimit të komunave Pejë, Gjakovë, Klinë, Istog, Deçan dhe Junik.

Gjatë këtyre gjashtë (6) takimeve u diskutua mbi të dalurat nga tryezat e rrumbullakëta të organizuara në nivele komunale si dhe të dalurat nga anketimi i qytetarëve për përceptimin e tyre lidhur me sundimin e ligjit dhe Korrupsionin në komunat përkatëse.

Zyrtarët komunal u njoftuan se nga këto të dalura, qytetarët në masë të madhe kanë perceptim negativ lidhur me punën e këtyre dy njesive (Drejtoratit të Shërbimeve Publike dhe Zyrave të Prokurimit)

Zyrtarët e komunave përkatëse (Drejtorët e Drejtorive të Shërbimeve Komunale dhe Shefave të zyrës së Prokurimit) u shprehen se niveli i transparencës nga ana e tyre është i mirë duke marrë si shkas publikimin e tenderëve në faqet zyrtare të komunave.

Në këto publikime qytetarët mund të marrin të gjitha informacionet e nevojshme mbi projektet që do të realizohen në komunë/komunitet si dhe mund të njihen dhe me përgjegjësit që janë caktuar për monitorimin e këtyre projekteve.

Me qëllim të një përafrimi sa ma efikas në mes të pushtetit lokal dhe qytetarëve, të gjith pjesmarrësit e këtyre takimeve konfirmuan pjesmarrjen e tyre në tryezen e rrumbullakët me karakter regjional e cila do të organizohet përmes platformës ZOOM me datë 19 Mars 2021.