HUMAN synon të kontribuoj në mirëqenien e shoqërisë Kosovare, përmes promovimit të sundimit të ligjit, kulturës, trashëgimisë kulturore dhe diverzitetit ndërkulturor
MARRËVESHJE BASHKËPUNIMI
Marrëveshje bashkëpunimi në mes Organizatës HUMAN dhe UHZ-së
Me datë 26.10.2020 u nënshkrua marrëveshje bashkëpunimi në mes Organizatës për Zhvillim të Komunitetit HUMAN dhe Universitetit Haxhi Zeka në Pejë, përkatësisht Fakultetit Juridik, në kuadër të projektit “Fuqizimi i lidhjeve ndërmjet OShC-ve dhe Institucioneve Publike në promovimin e Sundimit të Ligjit në Kosovë”.
Marrëveshja u nënshkrua nga përfaqësuesi i Oranizatës HUMAN z. Anduen Krasniqi dhe U.D. Dekani i Fakultetit Juridik Prof.Ass.Dr. Petrit Nimani.
Qëllimi i kësaj marrëveshje është rritja e ndërgjegjësimit të qytetarëve, OShC-ve dhe institucioneve për anti-korrupsion, sundim të ligjit dhe monitorim të punës së institucioneve publike në 6 komunat e rajonit të Pejës dhe promovimi i ligjeve ekzistuese për qytetarët, të rinjtë dhe publikun e gjerë.
Përmes kësaj marrëveshje do të përfitojnë disa nga studentët e diplomuar apo të nivelit master të Fakultetit Juridik, të cilëve do t’u mundësohet kryerja e praktikës tre-mujore në zyrat e avokatëve të këtyre 6 komunave.